Мова, сатканая з слоў прамяністых…

Віншуем усіх беларусаў з Днём роднай мовы! Свята адзначаецца 21 лютага з 2000 года. Роднае слова – слова, якому ніколі не перастанеш радавацца і якім ніколі не стомішся захапляцца. Беларуская мова самая старажытная сярод славянскіх і другая па мілагучнасці пасля італьянскай згодна з даследаваннем ЮНЕСКА. Запрашаем вас саміх упэўніцца ў гэтым.

Родная мова, цудоўная мова!

Ты нашых думак уток і аснова!

Матчын дарунак ад самай калыскі,

ты самацветаў яскравая нізка.

(Уладзімір Дубоўка)

Я палюбіла з самога маленства

Неба пявучае, добрае,

Мову, сатканую з слоў прамяністых,

Сэрца народнае, шчодрае.

(Эдзі Агняцвет)

Наша мова – бярозавік весьні, Аксаміт жаўруковае песні, Шум гаёў, пушчы грознае голас, Акавітай успоены колас…

(Янка Золак)

Родная мова

У марах, у песнях, у снах.

Мае ў ёй кожнае слова

Свой колер, і смак, і пах.

(Анатоль Грачанікаў)

Слова маё!

Я ў цябе не прашу

Ні славы, ні ўзнагароды.

Ціха і проста зайдзі ў душу

І застанься там…

Назаўсёды…

(Генадзь Бураўкін)

Роднай мовай натхнялася Марыя Андрэева.